Sló húsráðanda með málmskefti

Karlmaður á fertugsaldri hefur verið ákærður af ríkissaksóknara fyrir sérstaklega hættulega líkamsárás. Brotaþolinn mætti fyrir dóm og dró kæruna til baka. Málið verður þó rekið áfram hvað varðar líkamsárásina.

Ákærða er gefið að sök að hafa ráðist á mann á heimili hans á Akranesi. Árásarmaðurinn sló hinn í höfuðið með málmskefti, sem vó rúmlega hálft kíló. Hann ætlaði að hafa höggin fleiri, að því er segir í ákæru.

Fórnarlambið hlaut um sjö sentimetra langan skurð á höfði. Maðurinn komst inn í íbúðina í gegnum brotinn glugga. Hann kom síðan að fórnarlambinu sofandi.

Árásarmaðurinn var handtekinn og færður í fangageymslur lögreglunnar, en hann var í annarlegu ástandi að því er lögregla tjáði fjölmiðlum. Talið er að mennirnir þekkist lítillega. Ákærði neitar sök.- jss