Vill þjóðarsátt í Grikklandi

Georgios Papandreú, forsætisráðherra Grikklands, hefur beðið gríska þingið að hvetja til þjóðarsáttar vegna skuldavanda landsins, að því er fram kom í fréttum breska ríkisútvarpsins. Papandreú sagði að gjaldeyrisforði landsins yrði fljótlega verða urinn ef stjórnmálamenn gripu ekki til sinna ráða.

Fjármálaráðherrar evrusvæðisins ætla að koma saman til fundar í Lúxemborg. Þar munu þeir ræða veitingu láns til Grikklands, en Grikkir þarfnast lánsins til þess að koma í veg fyrir vanskil á lánum sínum. Lánið er skilyrt þannig að ríkisstjórnin þarf að framkvæma erfiðar aðhaldsaðgerðir sem hafa valdið mótmælum á götum úti á höfuðborginni.

Papandreú stokkaði upp í ríkisstjórn sinni á föstudag þannig að fyrrverandi varnarmálaráðherra, Evangelos Venizelos, kom í stað fjármálaráðherrans, Georgios Papakonstantinú. Aðgerðin hafði jákvæð áhrif á hlutabréf grískra banka en friðaði ekki almenning.

Papandreú sagði að endurbætur væru nauðsynlegar á grísku stjórnmálakerfi og boðaði þjóðaratkvæðagreiðslu seinna á árinu auk mögulegra breytinga á stjórnarskránni. - mmf