Hundruð þúsunda nýrra starfa

Vinnumálastofnunin í Svíþjóð gerir ráð fyrir 107 þúsundum nýrra starfa í ár og 61 þúsundi til viðbótar á næsta ári. Atvinnuleysið nú er 8,4% en því er spáð að það fari niður í 6,7% á næsta ári.

Eftir nokkur ár verður þörf á innfluttu vinnuafli, að mati stofnunarinnar. Forstjóri Vinnumálastofnunarinnar, Angeles Bermudez-Svankvist, segir nauðsynlegt að byrja að huga að því hvernig standa eigi að innflutningnum. Skortur er nú þegar á vinnuafli í hugbúnaðargeiranum, byggingariðnaði og ýmsum öðrum iðngreinum. Eftir fjögur ár fer yfir hálf milljón Svía á eftirlaun. Vinnuveitendur eru nú þegar farnir að slást um bestu starfsmennina, að sögn forstjóra Vinnumálastofnunarinnar.- ibs