Króatar komist inn árið 2013

Framkvæmdastjórn ESB lagði til í gær að fjórum síðustu köflunum í aðildarviðræðum Króata yrði lokað. Við þetta aukast líkurnar á því að Króatía verði 28. ríkið sem fær aðild að ESB, sem gæti gerst í júlí 2013.

José Manuel Barroso, forseti framkvæmdastjórnarinnar, hrósar króatískum yfirvöldum í tilkynningu í gær fyrir að standast helstu skilyrði aðildar. Stækkun ESB snýst um trúverðugleika sambandsins og umsóknarríkjanna, segir hann. Innganga Króatíu sýni öðrum ríkjum Suðaustur-Evrópu að umbætur borgi sig.- kóþ