Erlent

Mótmælt í Teheran

Frá mótmælum í Teheran á síðasta ári
Frá mótmælum í Teheran á síðasta ári Mynd/AP
Fregnir hafa borist af því að mótmælt hafi verið í dag á götum Teheran, höfuðborgar Íran, en nú eru tvö ár liðin frá umdeildri endurkosningu Mahmoud Ahmadinejad, forseta landsins. Greint var frá þessu á vef Boston Globe fyrir stuttu.



Yfirvöld hafa sent hundruð lögreglumanna út á götur höfuðborgarinnar, en fram kemur á vefsíðu stjórnarandstöðunnar að kylfum hafi verið beitt gegn mótmælendum á einum stað í borginni.



Fyrir tveimur árum hrintu ásakanir um kosningasvik af stað mótmælum sem stóðu yfir í marga mánuði og var mætt með harkalegum aðgerðum yfirvalda. Mótmælin tóku sig upp aftur í febrúar á þessu ári í kjölfar óróa í öðrum arabalöndum.

Mest lesið


Fleiri fréttir

Sjá meira


×

Mest lesið