Gífurleg flóð í Ástralíu

Miklu óveðri er spáð í Queensland í Ástralíu í kvöld en flóð hafa valdið miklum hamförum á svæðinu undanfarna daga. Yfir 200 þúsund manns hafa flúið heimili sín á síðustu dögum.

Kona um fertugt lést í morgun þegar að flóðbylgja skall á bíl hennar en hún er fyrsta manneskjan sem lætur lífið í flóðunum á svæðinu, þá er tveggja saknað.

Að minnsta kosti hefur flætt inn í tuttugu þorp og bæi á svæðinu og er tjónið gríðarlegt, segja yfirvöld. Dýptin á vatninu er víða meira en níu metrar og búist er við því að að ástandið kunni að versna í kvöld þegar óveðrið skellur á.