Ferguson: Ég mun hætta í fótbolta þegar ég hætti hjá United

Sir Alex Ferguson, stjóri Manchester United, segir að hann muni hætta afskiptum sínum af fótbolta þegar hann hættir sem stjóri United. Manchester United mætir Aston Villa á Old Trafford á eftir og hefur enn ekki tapað deildarleik á tímabilinu.

Ferguson er orðinn 69 ára gamall en hann hefur setið í stjórastólnum hjá Manchester United síðan í nóvember 1986 eða lengst allra stjóra félagsins frá upphafi. Ferguson bætti met Matt Busby í desember.

Ferguson segist myndi vilja fá lítið hlutverk hjá félaginu eins og Busby fékk á sínum tíma. Busby varð yfirmaður knattspyrnumála hjá United þegar hann hætti 1969, snéri síðan aftur í stjórastólinn í stuttan tíma áður en hann hætti endalega afskiptum af félaginu.

„Ég mun hætta í fótbolta þegar ég hætti hjá United. Þá mun ég labba út í sólarlagið," sagði Ferguson sem er á góðri leið með að gera Manchester United að Englandsmeisturum í tólfta sinn.