Tók ljósmynd af morðingja sínum

Filipseyskur stjórnmálamaður tók um áramótin, óafvitandi, ljósmynd af manni sem skaut hann til bana á sama augnabliki. Reynaldo Dagsa átti sæti í borgarstjórn Manila. Á nýársdag ætlaði hann að taka hópmynd af fjölskyldu sinni fyrir utan heimili þeirra í Manila.

Um leið og hann smellti myndinni af heyrðist skothvellur og Dagsa féll helsærður í götuna. Lögreglan fékk myndavélina og stækkaði þann hluta hennar sem sýndi morðingjann. Á myndinni má í hlaupi byssunnar sjá blossann frá skotinu vem varð Dagsa að bana. Lögreglan hefur handtekið mann sem er grunaður um morðið.