„Eftir rólegan fyrri hálfleik þá komum við virkilega sterkir til leiks í þeim síðari,“ sagði Bjarni Jóhannsson, þjálfari Stjörnunnar, eftir að lið hans hafði betur gegn Fylki, 3- 2, í Árbænum.
„Það var algjör óþarfi að hleypa Fylki inní leikinn hérna í lokinn, en sigurinn var aldrei í hættu“.
„Þeir fengu vítið seint í leiknum þegar leikurinn var í raun búinn og því fór púlsinn aldrei neitt svakalega hátt“.
Stjarnan mætir Val í virkilega mikilvægum leik í næstu umferð en bæði þessi lið eiga möguleika á Evrópusæti.
„Þessi úrslit hleypur leiknum gegn Valsmönnum upp í ákveðna stemmningu og það verður frábær leikur. Valsarar hafa verið í toppbaráttunni í allt sumar og við erum að koma bakdyramegin inn í þann pakka, en þetta verður flottur leikur“.
Bjarni Jóhannsson: Púlsinn fór aldrei neitt hátt upp
