Kenny Dalglish má eyða pening í nýja leikmenn

Kenny Dalglish, stjóri Liverpool, hitti eigendur félagsins í gær þar sem hann ræddi meðal annars leikmannamál félagsins. Dalglish fékk þar fullvissu sína um að hann fái pening til þess að kaupa leikmenn áður en félagsskiptaglugganum lokar.

„Þetta er gott fólk og ég átti mjög jákvæðan fund með John og Tom. Við ræddum marga hluti og eitt af því að var sjálfsögðu hugsanleg leikmannakaup. Það er ekkert sem stendur fyrir því að kaupa nýja leikmenn ef skynsemin er höfð að leiðarljósi. Við getum farið að leita að leikmönnum og reynt að fá þá til félagsins," sagði Kenny Dalglish.

„Ég hef alltaf verið skynsamur á leikmannamarkaðnum og mun halda því áfram. Ég mun eyða þessum peningum alveg eins og þetta væru mínir peningar. Ég ætla samt ekki að nefna nein nöfn eða neinar upphæðir," sagði þessi 59 ára gamli Skoti við Guardian.