Jarðskjálfti leggur hótel í rúst í Tyrklandi

Björgunarsveitir leita nú að tugum manna sem grafnir eru undir húsrústum eftir öflugann jarðskjálfta í austurhluta Tyrklands í gærkvöldi. Að minnsta kosti sjö manns fórust í skjálftanum sem mældist 5,6 á Richter.

Meðal þeirra bygginga sem hrundu til grunna var hótel í borginni Van en á hótelinu bjuggu starfsmenn hjálparstofnanna og fréttamenn sem fylgst hafa með endurreisnarstarfinu eftir jarðskjálftana á þessum slóðum í síðasta mánuði þar sem 600 manns fórust.

Samkvæmt nýjustu fréttum er búið að bjarga 23 úr rústum hótelsins.