Frambjóðendur repúblikana gagnrýndu Obama

Kosningabarátta Rebúblikanaflokksins vegna forsetakosninganna í Bandaríkjunum 2012 hófst í gærkvöld þegar fram fóru sjónvarpskappræður þar sem núverandi forseti var harðlega gagnrýndur.

Sjö repúblikanar mættust í gærkvöld í sjónvarpskappræðum í New Hampshire og biðu ekki boðana og gagnrýndu núverandi foresta og demókratann Barack Obama harkalega. Með kappræðunum hófst formlega baráttann um hver það verður sem leiðir Rebúblikanaflokksins í forsetaskosningunum 2012.

Frambjóðendurnir eyddu miklu púðri í að ræða um áherslur Obama í efnahags- og heilbrigðismálum - og kepptust í raun um að tala illa um forsetann. Mitt Romney, fyrrverandi ríkisstjóri í Massachusetts og sá frambjóðandi sem nýtur mest stuðnings meðal repúblikana í skoðanakönnunum, sagði að Obama hefði brugðist Bandaríkjamönnum. Romney hefur þó legið undir ámæli að hafa staðið að breytingum í heilbrigðismálum í Massachusetts, uppstokkun sem demókratar höfðu til hliðsjónar þegar umfangsmiklar breytingar voru gerðar á bandaríska heilbrigðiskerfinu.

Næst á eftir Romney í skoðanakönnunum koma Sarah Palin, fyrrverandi ríkisstjóri í Alsaka og varaforsetaefni, og Rudy Giuliani, fyrrverandi borgarstjóri New York. Þau hafa þó ekki lýst yfir framboði og tóku þar af leiðandi ekki þátt í kappræðunum í gærkvöld.