Rauðklædd lið vinna frekar

Að horfa á rauðan lit gefur aukinn kraft og snerpu, en eykur jafnframt áhyggjur og dregur úr einbeitingu, samkvæmt niðurstöðum vísindamanna sem birtar eru í vísindaritinu Emotion.

Þannig eru þeir sem keppa í íþróttum á móti rauðklæddum liðum líklegri til að tapa, því aukinn styrkur og snerpa vega ekki upp á móti neikvæðum áhrifum af rauða litnum.

Ástæðuna rekja vísindamenn til þess að árásargirni valdi því að fólk roðni í framan. Þess vegna tengi fólk ómeðvitað rauðan lit við hættu, og viðbrögðin séu eftir því. - bj