Afskræmd eftir lýtaaðgerð í Miami

Meint fórnarlamb konunnar sem stundaði lýtalækningar án leyfis í Miami hefur stigið fram og lýst reynslu sinni.

Hin 48 ára gamla Rajee Narinesingh lýsti reynslu sinni í viðtali á sjónvarpsstöðinni CBS4. Hún segist hafa leitað til Oneal Ron Morris og beðið hana um að framkvæma lýtaaðgerð á andliti sínu.

Morris var handtekinn fyrr í mánuðinum fyrir að stunda lýtaaðgerðir án leyfis. Hún er sökuð um að hafa notað sement og kítti til að stækka afturenda konu sem síðar leitaði á spítala vegna mikilla verkja.

Narinesingh segir útkomu aðgerðarinnar hafa verið hræðilega. Hún segir kinnar sína hafa blásið út og valdið henni gríðarlegum sársauka. Einnig mynduðust miklar bólgur á vörum hennar.

Hún segist hafa leitað til Morris einfaldlega vegna þess að hún hafi verið ódýrust.

Narinesingh var eitt sinn karlmaður. Hún segist þrá nýjan líkama en lýtaaðgerðir séu kostnaðarsamar. Því hafi hún leitað til Morris einfaldlega vegna þessa að hún hafi verið ódýrust. Narinesingh segist vita um nokkra transgender-einstaklinga sem hafi leitað til Morris til að framkvæma aðgerðir á sér.

Hægt er að sjá umfjöllun The Daily Mail um málið hér.