Ronaldinho samdi við Flamengo

Loksins er sápuóperunni um Ronaldinho lokið en kappinn samdi við brasilíska félagið Flamengo eftir allt saman.

Hann hafnaði þar með tækifærinu til þess að spila í ensku úrvalsdeildinni með Blackburn. Honum stóð einnig til boða að spila með Gremio og Corinthians í heimalandinu.

Ronaldinho skrifaði undir samning sem gildir til ársins 2014.

"Það gleður okkur mikið að tilkynna að Ronaldinho mun spila hjá okkur næstu fjögur árin. Ég þakka stjórninni fyrir fagmannleg vinnubrögð í málinu en þau hafa leitt til þess að leikmaðurinn kemur til okkar," sagði forseti Flamengo, Patricia Arnorim.