Hernandez fær umtalsverða launahækkun hjá United

Enska götublaðið Daily Star fullyrðir að Javier Hernandez muni senn skrifa undir nýjan fimm ára samning við Manchester United og við það meira en þrefaldast í launum.

Hernandez er sagður fá um 25 þúsund pund í vikulaun í dag en samkvæmt nýja samningnum fengi hann 80 þúsund pund, samkvæm frétt blaðsins.

Hernandez á enn þrjú ár eftir af núverandi samningi sínum en stóð sig svo vel á sínu fyrsta tímabilil hjá United í fyrra að félagið hefur tekið samninginn til endurskoðunar.

Hann og Wayne Rooney hafa náð vel saman í fremstu víglínu hjá United en Hernandez hefur þó misst af nokkrum leikjum í upphafi tímabilsins vegna höfuðmeiðsla.