Stoke City í 32-liða úrslitin - öll úrslit kvöldsins

Stoke City tryggði sér í kvöld sæti í 32-liða úrslitum Evrópudeildar UEFA með 1-1 jafntefli við Dynamo Kiev á heimavelli. Fulham tapaði hins vegar fyrir Twente en á enn möguleika á að komast áfram.

Elfar Freyr Helgason spilaði fyrri hálfleikinn fyrir AEK Aþenu sem tapaði fyrir Anderlecht á heimavelli í kvöld, 2-1. AEK hefur tapað öllum fimm leikjum sínum í keppninni en Anderlecht er komið áfram í 32-liða úrslitin úr L-riðli ásamt Lokomotiv Moskvu.

OB, lið Rúriks Gíslasonar, er einnig úr leik en liðið tapaði í kvöld fyrir Wisla Kraká frá Póllandi á heimavelli, 2-1. Rúrik sat allan leikinn á varamannabekk OB. Twente tryggði sér sigur í sama riðli með áðurnefndum sigri á Fulham, 1-0, en sigurmarkið skoraði Marc Janko seint í leiknum.

Andy Johnson, sóknarmaður Fulham, fékk svo að líta rauða spjaldið í uppbótartíma fyrir sína aðra áminningu. Fulham þarf að vinna OB í lokaumferð riðlakeppninnar og mun Johnson því missa af þeim leik.

Kenwyne Jones var hetja Stoke en hann skoraði jöfnunarmark liðsins seint í leiknum gegn Dynamo Kiev. Gestirnir frá Úkraínu voru betri í fyrra hálfleik og komust yfir þegar að Matthew Upson varð fyrir því óláni að skora sjálfsmark.

En Stoke spilaði vel í seinni hálfleik og uppskar jöfnunarmark þegar að Jones skoraði eftir fyrirgjöf Jermaine Pennant. Markvörðurinn Asmir Begovic varði svo glæsilega á lokamínútum leiksins og tryggði þar með Stoke sæti í 32-liða úrslitunum.

Úrslitin í kvöld:

D-riðill:

Sporting Lissabon - Zürich 2-0

FC Vaslui - Lazio 0-0

Sporting Lissabon er komið áfram.

E-riðill:

Stoke - Dynamo Kiev 1-1

Maccabi Tel Aviv - Besiktas 2-3

Stoke er komið áfram.

F-riðill:

Athletic Bilbao - Slovan Bratislava 2-1

Red Bull Salzburg - Paris St. Germain 2-0

Athletic Bilbao er komið áfram.

J-riðill:

AEK Larnaca - Maccabi Haifa 2-1

Schalke - Steaua Búkarest 2-1

Schalke er komið áfram.

K-riðill:

OB - Wisla Kraká 1-2

Twente - Fulham 1-0

Twente er komið áfram.

L-riðill:

Lokomotiv Moskva - Sturm Graz 3-1

AEK - Anderlecht 1-2

Anderlecht og Lokomotiv Moskva eru komin áfram.