Ferguson: Berbatov kvartar aldrei yfir bekkjarsetunni

Þó svo Dimitar Berbatov sé markahæsti leikmaður ensku úrvalsdeildarinnar þá hefur hann mátt sætta sig við mikla bekkjarsetu hjá Man. Utd á kostnað Mexíkóans Javier Hernandez.

Sir Alex Ferguson, stjóri Man. Utd, segir að Berbatov hafi tekið þessum aðstæðum og aldrei kvartað yfir bekkjarsetunni.

"Spilamennska Hernandez hefur gert mér erfitt fyrir í því að láta Dimitar spila. Javier er bara að spila frábærlega. Dinmitar skilur það og kvartar aldrei. Hann mun samt spila á morgun og vonandi endar hann sem markakóngur," sagði Ferguson.

Ferguson hefur einnig staðfest að markvörðurinn Edwin van der Sar muni verða fyrirliði United í leiknum gegn Blackpool á morgun. Það verður hans síðasti leikur í ensku úrvalsdeildinni.