Misheppnaði sjálfsvígsmaðurinn fær enga samúð frá leigusalanum

Hinn 26 ára gamli Vangelis "Angelo" Kapatos, sem stökk af níundu hæð fjölbýlishúss í New York til þess eins að lenda í ruslabing og lifa fallið af, fær litla samúð frá leigusala sínum, Jacques Michaane.

Jacques segir Vangelis ekki hafa borgað leigu af íbúðinni í tvö ár. Að sögn Jacques er Vangelis snarbilaður en sennilega misheppnaðasti sjálfsmorðingi sögunnar.

Í viðtali við New York Post segir Jacques: „Hann er vitleysingur. Maðurinn kastar sér fram af húsinu og lifir það af, það ætti að læsa hann inni."

Reyndar á Vangelis við andlega erfiðleika að stríða og eyddi meira eða minna öllum desembermánuðinum á geðdeild Bellevue spítalans.

Vangelis er á leiðinni í aðgerð eftir sjálfsvígstilraunina, en hann meiddist heldur illa við fallið.