Tottenham steinlá fyrir Fulham í bikarnum

Tottenham er úr leik í ensku bikarkeppninni eftir að hafa tapað fyrir Fulham, 4-0, á Craven Cottage í dag. Fulham fékk sannkallaða óskabyrjun þegar þeir fengu vítaspyrnu á 13. mínútu og Michael Dawson fékk að líta rauða spjaldið.

Danny Murphy skoraði úr vítaspyrnunni og kom Fulham yfir. Hann var aftur á ferðinni úr vítaspyrnu þremur mínútum síðar. Norðmaðurinn Brede Hangeland bætti við þriðja markinu á 23. mínútu og Moussa Dembélé fullkomnaði niðurlægingu Tottenham í fyrri hálfleik með marki á 45. mínútu.

Fulham er þar með komið áfram í fimmtu umferðina og mætir Bolton eða Wigan.

Fulham 4-0 Tottenham

1-0 Danny Murphy (´13 vsp.)

2-0 Danny Murphy (´16 vsp.)

3-0 Brede Hangeland (´23)

4-0 Moussa Dembélé (´45)