United mætir utandeildarliðinu í bikarnum

Utandeildarliðið Crawley fékk sannkallaðan óskadrátt í fimmtu umferð ensku bikarkeppninnar því þeir munu leika gegn Manchester United á Old Trafford.

Crawley er sjötta utandeildarliðið frá 1925 til að komast í fimmtu umferðina og fyrsta liðið í 17 ár. Þeim bíður stórt og mikið verkefni. Arsenal mun mæta Leyton Orient á útivelli í fimmtu umferðinni.

Af þeim 16 liðum sem leika í fimmtu umferð bikarsins munu a.m.k. átta lið úr úrvalsdeildinni leika í umferðinni.

Fimmta umferð enska bikarsins:

Man Utd - Crawley

Everton/Chelsea - Reading

Leyton Orient - Arsenal

Birmingham City - Sheff Wed

Stoke City - Brighton

Notts County/Man City - Aston Villa

West Ham - Burnley

Fulham/Tottenham - Bolton/Wigan