Stöðugt fleiri Bretar látast úr svínaflensu

Stöðugt fjölgar þeim sem látist hafa úr svínaflensu í Bretlandi. Tala látinna er nú komin í 39 manns að sögn BBC.

Bresk stjórnvöld ákváðu að leggja fram tölur um fjölda látinna í herferð sinni um hvernig breskur almenningur eigi að bregðast við til að hefta útbreiðslu flensunnar.

Talið er að 124 af hverjum 100.000íbúum Bretlands séu nú með flensu. Í Skotlandi er talið að 55 af hverjum 100.000 íbúm hafi sýkst.

Af þeim sem látist hafa voru allir nema einn yngri en 65 ára og þar af voru fjögur börn undir fimm ára aldri.