Sænska lögreglan ræðst gegn Hells Angels

Sænska lögreglan lét til skarar skríða gegn Hells Angels mótorhjólagengi Malmö borgar í gærkvöldi.

Aðgerðin hófst eftir að þrír meðlimir Hells Angels í borginni voru handteknir þar sem þeir voru að undirbúa rán. Í framhaldinu réðist lögreglan inn í klúbbhús gengisins í Malmö en þar var m.a. lagt hald á skotvopn og skotfæri. Hinsvegar voru fleiri ekki handteknir.

Í blaðinu Sydsvenskan er haft eftir heimildum innan Hells Angels að af þeim þremur sem handteknir voru hafi einn verið fullgildur meðlimur gengisins en tveir hafi verið stuðningsmenn þess.