Messi og Neymar mætast í úrslitum | Villa meiddist illa

Það verða Barcelona og brasilíska liðið Santos sem leika til úrslita í heimsmeistarakeppni félagsliða. Barcelona lagði Al-Sadd, 4-0, í dag. Adriano skoraði tvö mörk og þeir Keita og Maxwell komust einnig á blað.

Barca varð fyrir áfalli í leiknum er David Villa meiddist og hann gæti verið frá í einhvern tíma. Líklegt er að Villa sé fótbrotinn.

Úrslitaleikurinn verður því uppgjör hjá Messi og efnilegasta knattspyrnumanni heims, Neymar, sem er einmitt orðaður við Barcelona sem og Real Madrid.