Nektarmyndir eru góðar fyrir heilann

Nektarmyndir eru allra meina bót samkvæmt vísindamönnum í Finnlandi.

Rannsóknir vísindamannanna leiddu í ljós að heilinn vinnur úr myndum af fáklæddu fólki mun hraðar en af fullklæddum einstaklingum.

Talið er að meðal manneskja sé í 0.2 sekúndur að greina mynd af hálf nakinni manneskju. Vísindamennirnir segja nektarmyndir vera afar góða leið til að koma taugaboðum heilans á fullt.

Vísindamennirnir framkvæmdu rannsóknina með því að sýna fólki nektarmyndir. Niðurstöðurnar sýndu að taugaboð í heila karlmanna eru mun sterkari þegar þeir horfa á kvenlíkamann. Þegar karlmenn rýna síðan í líkama karlmanna eru taugaboðin þó mun hægari.

Það vakti undrun vísindamannanna að taugaboð kvenna voru álíka hröð þegar viðföngin skoðuðu karl- og kvenlíkama.