Ljós verður notað í krabbameinsmeðferðum

Vísindamenn í Bandaríkjunum telja nú að ljós verði eitt af framtíðar verkfærum í baráttunni við krabbamein.

Í grein í tímaritinu Nature kemur fram að læknarnir hafi þróað aðferð til að búa til lyf sem geti fest sig við æxli. Virkni lyfsins er þó engin fyrr en innrauðu ljósi er beint að æxlinu.

Þetta þýðir að krabbameinsmeðferðir geti orðið mun nákvæmari, ásamt því að nærliggjandi vefir verða fyrir minna hnjaski en áður.

Núverandi krammabeinsmeðferðir hafa allar sínar fylgikvilla og hafa vísindamenn lengi reynt að þróa nákvæmari aðferðir.