Lífi ungra danskra nýbúa stjórnað frá heimalandi þeirra

Ný umfangsmikil rannsókn á högum ungra nýbúa í Danmörku sýnir að fjölskyldur þessarar nýbúa í heimalandinu stjórna lífi þeirra á margvíslegan hátt en þó einkum þegar kemur að ást og kynlífi.

Rannsóknin náði til 3.000 nýbúa á aldrinum 15 til 20 ára. Helmingur þeirra segir að fjölskyldur þeirra banni þeim að eignast kærustu eða kærasta í Danmörku og fjórðungur þeirra segist óttast að fjölskylda sín muni þvinga sig til þess að giftast persónu sem þeir þekkja ekkert eða eru mótfallnir.

Karen Hækkerup félagsmálaráðherra Dana segir að niðurstöður rannsóknarinnar séu niðurdrepandi og ástandið mun verra en hún taldi það vera.