Ætla að áfrýja dómnum yfir lækninum

Verjendur Conrads Murray, sem var fundinn sekur í gær um að bera ábyrgð á andláti poppkóngsins Michaels Jackson, segja að dómnum verði áfrýjað. Refsingin yfir Murray verður ákveðin þann 29. nóvember næstkomandi en Murray var umsvifalaust færður í fangaklefa í Los Angeles eftir að dómurinn var kveðinn upp í gær.

Murray er á deild þar sem er sérstök gæsla fyrir menn í sjálfsvígs hættu. Hann er þó ekki álitinn vera í slíkri hættu sjálfur, en var sendur þangað vegna þess að gæslan á þeirri deild er sérstaklega mikil.