Berlusconi ætlar að segja af sér

Silvio Berlusconi mun segja af sér sem forsætisráðherra Ítalíu eftir að hann tapaði meirihlutanum á þingi í dag þegar greitt var atkvæði um fjárlagafrumvarp. Það var þó samþykkt.

Berlusconi hefur verið undir gríðarlegum þrýstingi síðustu daga og síðast í dag krafðist Umberto Bossi, leiðtogi Norðurbandalagsins þess að hann segði af sér. Flokkur Bossi er næst stærstur á þinginu í Róm og því þarf Berlusconi að reiða sig á hann. Mikil óvissa er því uppi um framtíð ríkisstjórnar Berlusconis.

Það er líklega óhætt að segja að Berlusconi hafi átt níu pólitísk líf en hann hefur nú verið forsætisráðherra síðan árið 2008. Hann hefur tvívegis áður gengt embættinu.