Norðurljós yfir suðurríkjum Bandaríkjanna

Íbúar Georgíu, Kentucky og Alabama í Bandaríkjunum gátu í gærkvöldi notið dáleiðandi fegurðar norðurljósanna. Reyndar sáust ljósin víðar.

Íbúar á norðurhjara jarðar eru vanari fallegu sjónarspili norðurljósanna á köldum vetrardögum, því þykir það heldur sérkennilegt að norðurljósin skreyti hlýjan himininn í suðurríkjum Bandaríkjanna.

Vísindamenn segja mikinn og öflugan sólarstorm ástæðuna fyrir því að norðurljósin voru sýnileg. Þeim kemur engu að síður á óvart að norðurljósin hafi sést svona sunnarlega.

Sólarstormurinn skaðaði ekki raftæki eins og slíkir stormar eiga til að gera.