Messi fær á sig mikla gagnrýni

Lionel Messi, leikmaður argentínska landsliðsins, fær heldur betur að heyra það í fjölmiðlum ytra fyrir frammistöðu sína í opnunarleik mótsins þegar Argentína rétt svo náði að bjarga jafnteflinu gegn Bólivíu á föstudagskvöld.

„Draumurinn að sjá Tevez og Messi saman í framlínunni endaði með martröð og mörgum ósvöruðum spurningum fyrir þjálfarann, Sergia Batista,“ segir í Argentínskum fjölmiðlum eftir leikinn.

Það heyrðist greinilega þegar nöfn leikmannanna voru tilkynnt á leikvanginum að áhorfendur voru mun hrifnari af Carlos Tevez heldur en Linonel Messi en sá síðarnefndi fær oft mikla gagnrýni frá aðdáendum með frammistöðu sína fyrir landsliðið.