Erlent

Mótmælendur halda heim

Nú stendur yfir tiltekt á torginu, sem hefur verið heimili mótmælenda í rúmar þrjár vikur.
Nú stendur yfir tiltekt á torginu, sem hefur verið heimili mótmælenda í rúmar þrjár vikur. Mynd/AP
Ungir mótmælendur í Madríd yfirgefa nú eitt fjölmennasta torg borgarinnar, eftir að sú ákvörðun var tekin af hópnum að binda enda á þær háværu aðgerðir sem mótmælendur hafa staðið fyrir í rúmar þrjár vikur. Frá þessu er greint á vef The Washington Post í dag.



Fólkið kom sér fyrir á torginu fyrir framan ráðhúsið í Madríd þann 15. maí síðastliðinn og mótmælti þar háu atvinnuleysi og pólitískri spillingu. Mótmælin vöktu mikla athygli og breiddu úr sér til annarra borga, bæði á Spáni og í Evrópu.



Ekki vildu allir þátttakendur hætta aðgerðum, en meirihlutinn staðfesti tillögu þess efnis að búðunum yrði pakkað saman og mótmælendur héldu heim á leið. Hafist var handa við að hreinsa til á torginu í dag, en þeir sem ekki voru tilbúnir að hætta færðu sig á aðra staði í borginni þar sem þeir hyggjast halda mótmælum áfram.

Mest lesið


Fleiri fréttir

Sjá meira


×

Mest lesið