Grænfriðungar fá risareikning

Skoska fyrirtækið Cairn Energy krefur Grænfriðunga um 320 milljónir íslenskra króna fyrir hvern dag sem þeir trufla boranir á olíuborpallinum Leifi Eiríkssyni undan strönd Grænlands. Átján Grænfriðungar hafa verið handteknir fyrir að trufla starfsemina með því að halda til í björgunarhylki sem þeir festu undir pallinn.

 

Pallurinn er í norskri eigu en leigður til Skoska fyrirtækisins Cairn Energy. Það hefur stefnt Grænfriðungum fyrir rétt í Hollandi í dag til þess að freista þess að fá kröfu sína staðfesta. Grænfriðungar hafa höfuðstöðvar sínar í Amsterdam og þar er varnarþing þeirra.