Ók á konu sem slasaðist lítið - drap hana til að komast hjá skaðabótum

Kínverskur námsmaður hefur verið tekinn af lífi fyrir morð á ungri konu. Ungi maðurinn ók á konu á hjóli í október síðastliðinn og slasaðist hún lítillega. Hann óttaðist hinsvegar að hún myndi fara fram á skaðabætur fyrir óhappið þannig að hann brá á það ráð að stinga hana margsinnis með hnífi og flýja síðan af vettvangi.

Málið hefur vakið mikla athygli í Kína og er nú mikið rætt um siðferðisvitund ungra Kínverja sem komnir eru af ríkum ættum, en þeim hefur fjölgað gríðarlega á síðustu árum. Foreldrar mannsins, sem var 21 árs gamall, starfa í vopnaframleiðslugeiranum og stundaði hann píanónám við virtan tónlistarháskóla. Pilturinn gaf sig raunar fram við lögreglu fjórum dögum eftir ódæðið en það var ekki nóg til þess að friða dómarann sem dæmdi hann til dauða.