Gunnleifur: Við spiluðum leikinn vel

Gunnleifur Gunnleifsson markvörður FH var nokkuð ánægður með spilamennsku liðsins í kvöld þrátt fyrir tap.

„Við spiluðum leikinn vel. Við vorum sterkari varnarlega og sóknarlega stóran hluta af leiknum. Sköpuðum okkur færi, sérstaklega í fyrri hálfleik en þeir vörðust vel, voru skipulagðir og svona er þetta stundum."

Gunnleifur var sem markvörður beðinn um að leggja mat á hvort víti Matthíasar hefði verið slakt eða um flott markvörslu að ræða hjá Hannesi.

„Ef hann hefði skorað hefði þetta verið gott víti en þetta er alltaf vel varið hjá Hannesi."

Gunnleifur telur FH-vélina eiga helling inni.

„Já að sjálfsögðu. Við þurfum bara að halda áfram okkar vinnu á æfingu. Í undanförnum leikjum höfum við verið að eflast. Við þurfum bara að halda áfram."