Gunnar Jarl má ekki tjá sig í fjölmiðlum

Vísir hafði samband við Gunnar Jarl Jónsson knattspyrnudómara vegna ummæla Willums Þórs Þórssonar, þjálfara Keflavíkur, eftir leik liðsins gegn KR í gær.

Willum gagnrýndi Gunnar Jarl harkalega fyrir dómgæsluna í leiknum, þá sérstaklega þegar hann leyfði jöfnunarmarki KR að standa í leiknum eftir að brotið var á leikmanni Keflavíkur.

Gunnar Jarl sagði að hann mætti ekki tjá sig í fjölmiðlum vegna dómgæslunnar en það er sú lína sem dómaranefnd KSÍ hefur markað undanfarin misseri.

Viðtalið við Willum má sjá hér fyrir neðan.