Baldur: Pétur var búinn að sjá þetta fyrir

Mývetningurinn Baldur Sigurðsson var hæstánægður með baráttusigurinn gegn FH.

„Já heldur betur. Frábært að fara inn í fríið á toppnum. Ekki verra að klára FH-lingana í leik þar sem þeir eru betri aðilinn þangað til þeir klúðra vítinu.“

Baldur sagði vítaspyrnuvörslu Hannesar Þórs hafa kveikt í liðinu.

„Já ég held að þetta hafi verið það sem við þurftum. Pétur aðstoðarþjálfari var búinn að sjá þetta fyrir. Hann spurði okkur inni í klefa í hálfleik hvort við værum að bíða eftir einhverju til að kveikja í okkur. Þegar Hannes tekur svona vörslu þá hlýtur það að kveikja í manni. Svo kemur Viktor og skorar enn eitt mikilvæga markið sumar.“

KR hefur fjögurra stiga forskot á toppnum eftir leikinn en Baldur segir að það sé ekki orðið kalt á toppnum.

„Það er mjög gott á toppnum. Ég held að það sé ekkert voðalega kalt. Ekki ennþá.“