Umfjöllun: Haukar jöfnuðu með síðustu spyrnu leiksins

Leikur Stjörnunnar og Hauka var ekki sá skemmtilegasti í sumar, samt sem áður litu fjögur mörk dagsins ljós. Niðurstaðan 2-2 jafntefli í miklum baráttuleik þar sem Haukar jöfnuðu með síðustu spyrnu leiksins.


Fyrri hálfleikurinn var að mesti leiti eign heimamanna. Þeir sóttu undan vindinum og héldu boltanum miklu betur innan liðsins og fengu nokkur góð færi til að skora.


Þó náðu þeir aðeins að skora einu sinni í hálfleiknum, eftir hornspyrnu komu þeir boltanum í markið eftir mikla baráttu í teignum. Nánast enginn sá hver skoraði markið en það var Tryggvi Sveinn Bjarnason sem skallaði boltann yfir línuna. Það fékkst staðfest frá dómurum leiksins í hálfleik.



Jóhann Laxdal var heppinn að fá ekki rautt spjald í fyrri hálfleiknum. Brotið var á honum og hann missti boltann frá sér, hann henti sér á eftir boltanum með tvo fætur á undan sér og fór í Þórhall Dan. Hann fékk aukaspyrnu en Jóhann fékk ekki spjald, ekki einu sinni gult. Mjög umdeilt atvik.

Stjarnan var líklegri til að bæta við en Haukar að jafna. Samt sem áður gerðu Haukar einmitt það. Eftir fína sókn átti Jónmundur frábæra sendingu á Hilmar Geir Eiðsson sem setti boltann yfir Magnús í markinu. Vel klárað.

Seinni hálfleikurinn var ekki mikið fyrir augað. Haukarnir voru betri til að byrja með en sköpuðu sér fá færi. Sömu sögu er að segja af Stjörnunni sem vann sig betur inn í leikinn eftir því sem leið á.



Stjarnan fékk vítaspyrnu 10 mínútum fyrir leikslok. Steinþóri var ýtt af Gunnari Ormslev í teignum og víti dæmt. Þorvaldur skoraði en Daði var nálægt því að verja.

Stutt seinna fékk Guðjón Pétur gult spjald fyrir að ýta í samherja sinn hjá Haukum.



Allt stefndi í jafntefli þegar Hilmar Geir skoraði aftur, nú eftir sendingu frá Guðmundi Mete en aftur kláraði hann færið sitt einkar vel.


Leikurinn var lengst af í járnum, bæði lið áttu ágæta kafla en spiluðu ekkert sérstaklega vel. Mikið var um baráttu og spjöldin flugu nokkur á loft. Skemmtanagildi leiksins var ekki mikið en þó sáust fjögur mörk.

Haukar eiga enn eftir að vinna leik í deildinni en náðu í gott stig í kvöld.

Stjarnan - Haukar 2-2

1-0 Tryggvi Sveinn Bjarnason (13.)

1-1 Hilmar Geir Eiðsson (40.)

2-1 Þorvaldur Árnason – Víti (81.)

2-2 Hilmar Geir Eiðsson (95.)

Áhorfendur: 660

Dómari: Örvar Sær Gíslason 4

Skot (á mark): 11-9 (6-4)

Varin skot: Magnús 1 – Daði 3

Horn: 4-5

Aukaspyrnur fengnar: 18-17

Rangstöður: 3-6

Stjarnan 4-5-1

Magnús Karl Björnsson 6

Baldvin Sturluson 6

Daníel Laxdal 5

Tryggvi Sveinn Bjarnason 7

Jóhann Laxdal 5

Steinþór Freyr Þorsteinsson 6

(83. Hilmar Þór Hilmarsson -)

Dennis Danry 5

Atli Jóhannsson 5

Þorvaldur Árnason 6

Halldór Orri Björnsson 6

(38. Ólafur Karl Finsen 5)

Marel Baldvinsson 4

(79. Ellert Hreinsson -)

Haukar (4-5-1):

Daði Lárusson 5

Þórhallur Dan Jóhannsson 5

Daníel Einarsson 5


Guðmundur Viðar Mete 7

Gunnar Ormslev Ásgeirsson 4

(84. Jónas Bjarnason -)

Hilmar Geir Eiðsson 7* ML

Guðjón Pétur Lýðsson 5

Kristján Ómar Björnsson 4

Úlfar Hrafn Pálsson 5

(68. Kristján Óli Sigurðsson 4)

Hilmar Trausti Arnarsson 5

(24. Hilmar Rafn Emilsson 4)

Jónmundur Grétarsson 5