Silva: Gríðarlega mikilvægur leikur

Spænski landsliðsmaðurinn David Silva hjá Man. City er afar bjartsýnn fyrir Manchesterslaginn í kvöld. Hann er fullviss um að Man. City muni vinna leikinn.

Silva kom til Man. City í sumar. Hann átti erfitt uppdráttar í byrjun en hefur verið að spila vel síðustu vikur.

"Við trúum því að við getum unnið þennan leik. Þetta er gríðarlega mikilvægur leikur fyrir okkur," sagði Silva.

"Við vitum að með sigri jöfnum við Man. Utd að stigum. Við erum á heimavelli og höfum stuðningsmennina á bak við okkur. Þannig að við stöndum betur að vígi.

"Ég horfði á Manchesterslagina þegar ég var ungur strákur og hafði alltaf mjög gaman af. Það er mjög gaman að fá að taka þátt í svona slag núna."