Jeffs: ÍBV var besti kosturinn fyrir mig

Ian Jeffs skrifaði rétt í þessu undir eins árs samning við Pepsi-deildarlið ÍBV. Þetta er í annað sinn á ferlinum sem Jeffs gengur í raðir ÍBV en hann fór fyrst til félagsins árið 2003.

"Ég er mjög ánægður að vera kominn aftur til Eyja. Það voru nokkur félög sem vildu fá mig en ÍBV var besti kosturinn fyrir mig," sagði Jeffs við Vísi.

Hann segir sumarið fram undan vera mjög spennandi.

"ÍBV er í Evrópukeppni og þetta verður skemmtilegt. Ég hlakka mikið til þess að taka þátt í þessu verkefni," bætti Jeffs við.

Nánar verður rætt við Ian Jeffs í Fréttablaðinu á morgun.