Rændi skóm og faldi þá undir brjóstunum á sér

Brjóstgóð kona hélt að hún kæmist upp með að stela skópari með því að fela skóna undir brjóstunum á sér. Öryggismyndavélar  hjá útsölumarkaðinum Beall´s Outlet í Flórídafylki Bandaríkjanna komu þó upp um þjófinn.

Með konunn í för var samverkamaður hennar, karlmaður sem tók vörur úr hillum verslunarinnar og laumaði þeim til konunnar sem síðan stakk inn á sig því sem þar komst fyrir. Öðru tróð hún í töskuna sína.

Parið var handtekið fyrir utan verslunina, maðurinn með á sér vörur að andvirði 2 þúsund íslenskra króna en konan með vörur sem kostuðu um 160 dollara, eða 19 þúsund krónur.

Þau verða bæði ákærð fyrir þjófnað.