Pólitísk örlög Silvio Berlusconi ráðast á morgun

Pólitísk örlög Silvio Berlusconi forsætisráðherra Ítalíu ráðast á morgun en þá verða greidd atkvæði um vantrausttilögu gegn stjórn hans á ítalska þinginu.

Berlusconi hefur meirihluta öldungardeildarinnar með sér en í neðri deild þingsins er meirihluti fyrir því að samþykkja vantraustið. Sjálfur segir Berlusconi að ef vantrausttillagan verður samþykkt muni hann efna til nýrra þingkosninga. Hann er samt fullviss um að tillagan verði ekki samþykkt.

Staða Berlusconi þykir mjög veik eftir röð hneykslismála sem tengjast honum hafa verið til umfjöllunnar í fjölmiðlum landsins undanfarnar vikur og mánuði.