Albrighton frá í mánuð

Marc Albrighton, leikmaður Aston villa, verður frá keppni næsta mánuðinn eftir að hann gekkst undir uppskurð á botnlanga.

Albrighton fékk botnlangakast fyrir leik liðsins gegn Blackburn um helgina og hefur nú botnlanginn verið fjarlægður.

Eftir því sem kemur fram á heimasíðu Aston Villa verður hann frá næstu 3-4 vikurnar.

Hann hefur staðið sig vel með liðinu á leiktíðinni og skrifaði hann nýverið undir nýjan samning við félagið sem gildir til 2014. Hann er 21 árs gamall miðvallarleikmaður.