„Sjáðu hvað menn gera fyrir Hublot“

Lúxusúraframleiðandinn Hublot hefur hafið óvenjulega auglýsingaherferð þar sem Bernie Ecclestone eigandi Formúlunnar er í aðalhlutverki. Bernie lenti í því á dögunum að fjórir ribbaldar réðust á hann fyrir utan höfuðstöðvar Formúlunnar í London og börðu hann til óbóta.

Þeir rændu Ecclestone og höfðu af honum skartgripi að verðmæti 200 þúsund punda, þar á meðal þetta forláta Hublot úr sem sést á myndinni.

Ecclestone, sem er með snjöllustu markaðsmönnum, fékk þá hugmynd og hringdi í úraframleiðandann með tillögu að auglýsingaherferð. Afraksturinn má sjá hér. Myndin er tekin sama dag og árásin var framin og sérstaklega er tekið fram að ekkert hefur verið átt við hana í tölvu.