Ekki litið til persónulegra fjárreiðna umsækjenda

Árni Páll Árnason félagsmálaráðherra sat sjálfur viðtölin við Runólf Ágústsson og Ástu Sigrúnu Helgadóttur sem sóttu um að verða umboðsmaður skuldara. Viðtölin fóru fram 20. júlí síðastliðinn en aðstoðarmaður ráðherra, ráðuneytisstjóri Félagsmálaráðuneytisins og framkvæmdastjóra ráðningafyrirtækisins STRÁ MRI, sem sá um ráðninguna.

Í skriflegum rökstuðningi ráðherrans fyrir skipan í embættið. Ásta Sigrún óskaði eftir rökstuðningnum eftir að Runólfur var ráðinn í starfið. En þau voru þau einu sem voru boðuð í viðtal. Runólfur sagði af sér í gærkvöldi í beinni útsendingu í Kastljósinu eftir aðeins einn dag í starfi.

Ráðherra sat sjálfur viðtölin ásamt aðstoðarmanni ráðherra, ráðuneytisstjóra og framkvæmdastjóra ráðningafyrirtækisins en viðtölin fóru fram 20. júlí 2010. Í kjölfar viðtalanna vann framkvæmdastjóri ráðningarfyrirtækisins ítarlegt hæfnismat á hvorum umsækjenda fyrir sig, sbr. fylgiskjal I., en þar var Runólfur Ágústsson metinn hæfari umsækjandi. Þar var tekið mið af því hvort umsækjendur uppfylltu skilyrði sem fram komu í auglýsingu, hvort umsækjendur hefðu marktæka þekkingu og reynslu sem nýttist í starfi, leiðtogahæfni, sjálfstæð og fagleg vinnubrögð, hæfni í mannlegum samskiptum og til að tjá sig í ræðu og riti. Þá var litið til frammistöðu í viðtali og umsagna," segir í rökstuðningnum.

Þá segir í frétt um málið á vef ráðuneytsins að við mat á umsækjendum um embættið var ekki litið til persónulegra fjárreiðna þeirra og í auglýsingu voru engar skilgreindar kröfur hvað það varðar enda þess ekki krafist í lögum um umboðsmann skuldara.