Bréf Runólfs til Árna Páls

„Þér tilkynnist hér með að ég tel mér ekki fært að sinna starfi mínu sem umboðsmaður skuldara eftir að þú kynntir mér munnlega í dag þá ósk þína að ég víki til hliðar úr umræddu embætti," segir Runólfur Ágústsson í bréfi til Árna Páls Árnasonar, félagsmálaráðherra.

Þar segir að hann hafi viljað vinna samfélagi sínu gagn í þessu erfiða starfi sem svo „sorglega" fáir sóttu um. „Og ég taldi mig hæfan til þess. Fátt kann ég betur en að byggja hratt upp starfhæfar einingar."

„Það er hins vegar ómögulegt fyrir umboðsmann skuldara að sinna sínu starfi án stuðnings ráðherra. Því segi ég mig frá embættinu," segir Runólfur ennfremur.