„Við erum kunningjar“

Árni Páll Árnason, félagsmálaráðherra, viðurkennir að hann og Runólfur Ágústsson, umboðsmaður skuldara, séu kunningjar, en þvertekur fyrir að skipan hans sé pólitísk.

Runólfur Ágústsson tók formlega til starfa sem umboðsmaður skuldara í morgun, en hart hefur verið deilt á ráðningu hans í embættið.

Árni Páll segir að skýr efnisleg rök hafi verið fyrir ráðningunni og þau verði kynnt á næstunni. DV greindi frá því í síðustu viku að afskrifa þyrfti 500 milljóna króna skuld eignarhaldsfélags Runólfs.

Hann segir í samtali við fréttastofu í dag að þeir Runólfur séu kunningjar.

Er það rétt að þið séuð góðir vinir, persónulegir? „Við erum kunningjar en ég kannaði það sérstaklega hvort ég ætti að víkja vegna hæfis en það var ekki þannig," segir Árni Páll.