Umfjöllun: Blikar niðurlægðu Valsmenn

Breiðablik er komið aftur í toppsæti Pepsi-deildar karla eftir 5-0 stórsigur á Val í fyrsta leik 14. umferðarinnar á Kópavogsvelli í kvöld. Alfreð Finnbogason, markahæsti leikmaður deildarinnar, skoraði tvö mörk og lagði upp tvö í leiknum.

Valsmenn léku vel í fyrri hálfleik og fengu í heildina hættulegri færi en Ingvar Kale var vel á verði í marki Blika. Jökull Elísarbetarson skoraði eina mark fyrri hálfleiksins á 42. mínútu með skoti stöngin inn.

Eins og í síðustu leikjum en líkt og á móti FH og ÍBV þá gáfu Hlíðarendapiltar mikið eftir í seinni hálfleik. Spilamennska þeirra hreinlega hrundi á meðan Blikarnir blómstruðu og buðu til veislu. Þeir skoruðu fjögur mörk á sautján mínútna kafla í seinni hálfleik.

Alfreð Finnboogason lagði upp fyrstu tvö mörk Blika fyrir Jökul og Kristinn Steindórsson og skoraði síðan tvö mörk sjálfur. Í millitíðinni skoraði Guðmundur Kristjánsson fallegt skallamark eftir hornspyrnu frá Kristni Jónssyni.

Jökull og Alfreð voru hreinlega magnaðir og stóðu upp úr í annars frábæru Blikaliði sem sendi Eyjamönnum skýr skilaboð í kvöld. Valsmenn virkuðu hinsvegar andlausir og baráttulausir og leyfðu Blikum að labba yfir sig í seinni hálfleiknum.

Blikar eru með 29 stig eins og Eyjamenn en með betri markatölu. Eyjamenn fá FH-inga í heimsókn á morgun og geta því endurheimt toppsætið.

Breiðablik – Valur 5-0

1-0 Jökull Elísabetarson (42.)

2-0 Kristinn Steindórsson (59.)

3-0 Alfreð Finnbogason (70.)

4-0 Guðmundur Kristjánsson (73.)

5-0 Alfreð Finnbogason (76.)

Áhorfendur: 1.316

Dómari: Erlendur Eiríksson 8

Skot (á mark): 14-10 (10-6)

Varin skot: Ingvar 5 – Kjartan 4

Horn: 5-4

Aukaspyrnur fengnar: 8-6

Rangstöður: 3-3

Breiðablik 4-3-3:

Ingvar Þór Kale 8

Arnór Sveinn Aðalsteinsson 6

Elfar Freyr Helgason 8

Kári Ársælsson 7

Kristinn Jónsson 7

Jökull Elísabetarsson 9* - Maður leiksins

Finnur Orri Margeirsson 8

(79. Rannver Sigurjónsson  -)

Guðmundur Kristjánsson 7

Haukur Baldvinsson 7

(87. Elvar Páll Sigurðsson  -)

Kristinn Steindórsson 6

Alfreð Finnbogason 9

Valur 4-5-1:

Kjartan Sturluson 4

Stefán Eggertsson 5

Atli Sveinn Þórarinsson 4

Martin Pedersen  5

Greg Ross 3

Rúnar Már Sigurjónsson 4

Sigurbjörn Hreiðarsson 5

Jón Vilhelm Ákason 4

Arnar Sveinn Geirsson 6

(79. Þórir Guðjónsson -)

Baldur Aðalsteinsson 4

Guðmundur Steinn Hafsteinsson 4

(69. Diarmuid O‘Carrol 3)

Boltavakt Vísis og Fréttablaðsins var með beina lýsingu frá leik Breiðabliks og Vals í kvöld.



Smelltu hér til að opna Boltavaktina og lesa lýsingu leiksins: Breiðablik - Valur.