Lindsay Lohan er laus úr fangelsi

Hollywoodleikkonan Lindsay Lohan er laus úr fangelsi, þótt einungis séu fáeinar klukkustundir síðan að henni var stungið inn fyrir að standast ekki fíkniefnapróf.

Lohan var sleppt i gær eftir að hafa greitt 300 þúsund dala tryggingu, eða sem nemur 35 milljónum dala. Dómari hafði verið búinn að hafna kröfu hennar um að verða látin laus gegn tryggingu en hún áfrýjaði þeim úrskurði til æðra dómstigs og var látin laus. Þetta er í þriðja skipti sem Lohan fer í fangelsi vegna ölvunarakstursmáls frá árinu 2007.

Lohan þarf hér eftir að ganga með sérstakan áfengismæli á ökklanum, eftir því sem fram kemur á fréttavef BBC. Þá ber henni að halda sig frá verslunum sem eru með áfengi sem aðalsöluvöru.