Hjálpsama löggan

Þegar nágranni kom að tveim piltum sem voru að reyna að brjótast inn í einbýlishús á Austur-Jótlandi síðastliðna nótt lögðu dónarnir á flótta.

Annar þeirra var svo skelfdur að hann beinlínis hljóp upp úr skónum sínum. Þar sem honum leið ekkert vel á sokkaleistunum læddust þeir aftur að húsinu síðar um nóttina.

Þar sem þeir snudduðu í garðinum á fjórum fótum var skónum dinglað fyrir framan nefið á þeim skólausa og lögregluþjónn spurði; -Ertu að leita að þessu góurinn?